Silhoeëtte

Silhoeëtte teen ‘n muur gegraveer.
Twee gedaantes beweeg ritmies saam
in die stadige dans van die lewe
en draai en tol om en om en om…
Dan skielik ‘n doodse stilte,
Geen beweging.
Nie eers ‘n roering.
Dan skielik, die opkoms van die son.
Die skadu’s verdwyn in ‘n oogwink van lig.
Die gedaantes word twee mense
gekoester in die greep van liefde.
Verlore in tyd,
verlore in liefde,
gevind in mekaar.